في شهر الحب ولأننا نحبكم خفضنا سعر التوصيل لـ ١٩ ريال فقط لجميع أنحاء المملكة - لفترة محدودة

ايش نكتب في كرت الاهداء ؟

.. مافي أحلى من إنك تضيف كرت يحمل كلماتك الصادقة
  كتابة مشاعرك بكلمات بسيطة تعبر عن حبك و إمتنانك تلامس القلب و تعطي شعور
..للمُهدى له إنك تهتم لأمره
أكيد أغلبنا يوصل عند كتابة الكرت و يوقف ما يعرف ايش يكتب أو كيف يصيغ كلامه 
..و في أغلب الأحيان ننسى الكرت بكبره
..اليوم حنساعدكم كيف تختاروا الكلمات المناسبة للإهداء
 
 .. عبارات التهنئة
..عندنا نوعين من التهاني 
 
.. في تهاني للمناسبات زي العيد ، و أعياد الميلاد 
عبارات التهنئة فيها تكون بسيطة و مع أمنيات لطيفة من القلب
: زي 
" ... كل عام وأنت بخير " 
"  ... سنة حلوة عليك" 
" ... ينعاد عليك بالصحة و العافية " 
" ... يارب تكون سنة سعادة و نجاح" 
 
: و ما ننسى نعبر عن حبنا للشخص زي مثلًا نقول 
"  ... يارب دايمًا نكون مع بعض" 
" ... عيدي أحلى بوجودك " 
 
وفي تهاني تكون بسبب تحقيق حلم أو غاية زي الزواج ، التخرج ، مولود جديد 
حلو تكون عباراتنا تعبر عن فرحتنا لهم باللي وصلوا له 
: زي  
"  .... من كل قلبي فرحت لك على " 
" ..... فخور جدًا بوصولك لـ " 
"... أسعدت قلبي بـ  "
 
" وكمان ما ننسى نضيف كلمات التهنئة زي " مبروك 
..  و "هنيئًا لك ".. و نذكر فيها مناسبة الهدية
 
 ..عبارات الشكر و الامتنان
هدايا الشكر غالبًا ما يكون لها مناسبة ، تكون بسبب إن الشخص قدملك معروف
..  أو ساعدك وحبيت تشكره
 
 .. في هذه العبارات حلو إنه نشكر صاحب الهدية  و نبين قد ايش احنا ممتنين له
: زي أننا نقول 
"  ... شكرًا لأنك دايمًا جنبي " 
" ... وقفاتك معايا كثير " 
" ... أنا جدًا ممتن لتعبك معايا " 
 
.. و أصعب حاجة العبارة على الهدية اللي بدون مناسبة
هذه ايش ممكن نكتب فيها ؟ 
.. ممكن نكتب الشي اللي خلانا نرسل الهدية من الأساس 
 زي ايش ؟ 
: زي مثًلا 
" ... في الفترة الأخيرة كنت أفكر فيك كثير ، اتمنى تكون بخير " 
"  ... لاحظت حزنك قبل يومين ، اتمنى هديتي البسيطة تصنع يومك" 
"... شفت صورة لنا و حسيت اني اشتقت لك " 
" ... ما أعرف كيف أعبر لك عن حبي ، أتمنى هديتي توصل مشاعري " 
 
.. و لا تنسوا إنه مهم جدًا ما تاخذوا كلام جاهز لأنه حلاتها بكلماتكم انتو و مشاعركم
 
 
..اكتبوا عباراتكم اللطيفة من القلب مباشرة لحبايبكمو أنا متأكدة إنه حيكون لها معنى وتأثير كبير
 

← السابق التالي →



شاركنا تعليقك ورأيك